la Musa Paisana

Sonetto

AUTORE:
Doride Bertoldi (Anfibio Rana)

RACCOLTA:
La Musa Paisana

TITOLO: 
La me Müşa

CRONOLOGIA:
1923

METRICA:
Sonetto

La me Müşa la fa la pescadora…
e tüt al dì la bagola in rişèra
e là in mès con n’oşina ch’inamora
la canta da matina infin a sera.

E sénpar sana e svèlta, la me Mòra!
mai ch’la s’rabisa, mai ch’la ş’daspera;
la par povreta e invece l’è na siora
parchè, siben ch’an par, tüti igh fa cera!

E mi agh vöi ben…e a mi la m’è sinpatica
con tüt ch’l’è vceta e stortiolina in schena
e che dli vòlti l’è un poctin lünatica.

Ma quand a vöi, però, l’è senpr’ in vena;
ch’ormai la gh ha ciapà csì ben la pratica
ch’la sifola in mantvan cme na sirena!